Detido un veciño de Campañó por ameazar a súa ex-parella e o seu fillo
Por Redacción
Axentes da Policía Autonómica de Pontevedra detiveron un varón en Pontevedra por un presunto delito de violencia de xénero á súa ex-parella.
Os feitos tiveron lugar no día de Nadal, este martes 25 de decembro, en Campañó.
Segundo informaron fontes oficiais da Policía Autonómica, o detido, en estado de embriaguez e baixo a influencia de sustancias estupefacientes, atopábase insultando e ameazando e en actitude agresiva á súa ex-parella e o seu fillo.
Actualmente a Policía Autonómica ten asignada a protección dun total de 275 vítimas de violencia de xénero.