Poio celebra o Nadal con música e humor na Casa Rosada
Por Mónica Patxot & Redacción
A Casa Rosada de Poio convertíase este sábado nun lugar de diversión festiva con motivo da celebración da chegada das datas de Nadal. Decenas de persoas asistían a este evento en que se realizaron sorteos, interpretación de panxoliñas a cargo do coro do centro social, un baile e degustación de rosca.
O acto contou coa actuación do grupo humorístico local 'Maruchi, Purita y una más', mentres que a música corría a cargo do solista Miguel. A este evento asistía a tenente de alcalde Chelo Besada.
Este festival busca que os máis maduros dos fogares do municipio teñan a oportunidade de gozar dunha forma animada destas festas.