Os pacientes ingresados nos hospitais desfrutarán dos pratos e doces típicos de Nadal
Por Oskar Viéitez
O servizo de cociña do Hospital Montecelo, composto por máis de 60 persoas, ofrecerá menús especiais para que as persoas que teñan que pasar esta época ingresadas poidan gozar igualmente das festas.
Así, o día de Noiteboa repartiránse preto de 200 ceas especiais compostas de crema de marisco, langostinos ao vapor, bacallau con allada e coliflor e doces de Nadal. Ao día seguinte, no xantar de Nadal, o servizo de hostalería de Montecelo servirá crema de ave con picatostes, salpicón de marisco, cordeiro asado ao forno con patacas panadeira e tronco de Nadal ou piña natural.
Na cea de Noitevella, o servizo serverá gambóns con dúas salsas, crema de espárragos trigueiros, rape á americana acompañado con gambas, doces do Nadal e as uvas da sorte. Xa no menú de Aninovo ofreceráse sopa de ave con tropezóns, vieiras ao forno, bitokes de tenreira con patacas e champiñóns, e de sobremesa, torta de xema tostada ou macedonia natural de froitas.
Finalmente, o día de Reis en Montecelo comezará cun almorzo que incluirá café con leite, o tradicional roscón e zume; o menú do xantar consistirá en sopa raiña de tenreira, froitos do mar, pavo con arroz pilaw e pemento asado, e de sobremesa, pera en zume de laranxa e canela.
Tanto os pacientes como o persoal de garda do centro hospitalario poderán desfrutar dos pratos e doces típicos do Nadal, xa que o equipo de cociña enviará unhas bandexas con doces para os profesionais que teñan que traballar en Montecelo nestas festas. No caso dos pacientes, os turróns estarán axeitados a cada tipo de dieta por textura e compoñentes en azucre.