"Se non collen a ese tolo queima todo Marín"
Por Oskar Viéitez
"Se non collen a ese tolo queima todo Marín", dicía unha señora tras ver como a Policía Nacional levaba detido a un veciño que plantou lume a varios contentores.
A habitual placidez da vila marinense viuse alterada nas últimas horas pola actuación deste home, de 40 anos, que incendiou dous contenedores nas proximidades do instituto da Raña.
Tras extinguir parcialmente os depósitos cun extintor do vehículo patrulla, os axentes foron informados de que un terceiro contentor estaba ardendo nun dos laterales do cemiterio de San Pedro. Efectivos de Protección Civil sufocaron as chamas nesta ocasión.
Pouco despois os axentes, adscritos ao grupo local de seguridade cidadá da Comisaría de Marín, localizaron ao presunto pirómano.
O sospeitoso estaba ameazando a varios viandantes cun coitelo na rúa Concepción Arenal, á vez que intentaba introducir varios papeis ardendo dentro dunha papeleira, segundo informaron fontes policiais.
Ao ser sorprendido pola policía o individuo tirou os papeis ardendo e encarouse cos policías, "opoñendo forte resistencia".