Vaipolorío denuncia as escorrentías causadas polas obras da A-57
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O colectivo ecoloxista Vaipolorío puxo en coñecemento do 112 os torrentes de auga ou "enxurradas" que están a chegar aos ríos Pintos, do Barco ou de Bois, afluentes da marxe esquerda do río Tomeza (Gafos).
Vaipolorío sinala como culpable destas escorrentías ás obras de construción da autovía A-57 que describen como a "navallada" ao monte da Fracha.
Estas achegas de auga arrastran gran cantidade de lodo ao leito dos ríos, o que xerou unha turbidez na auga.
Esta asociación leva 18 anos protexendo, estudando e divulgando o río Cocho-Toxal-Tomeza-Gafos.