O Grove programa diversas actividades con motivo do 25-N
Por Redacción
Ata o 20 de decembro desenvólvense Talleres de Crecemento Persoal no Colexio Infantil do Monte da Vila do mesmo xeito que nos centros escolares mantense un programa educativo denominado 'Cimentando en igualdade', que se prolongará ata o 22 de decembro coa intención de que os escolares asuman valores de respecto e educación entre xéneros.
O 23 de novembro, a Sala das Cunchas acollerá a proxección do curto 'Miña', cunha charla coloquio. O 25 de novembro realizarase a lectura do manifesto ás 10.00 horas ante o Concello para despois iniciar unha andaina contra a violencia de xénero cun percorrido urbano de nove quilómetros.
O 28 de novembro levará a cabo unha nova proxección con charla sobre o curto 'Bágoas de Ouro', na Sala das Cunchas a partir das 20.00 horas.
Por último, a xornalista Montse Fajardo presentará o seu libro 'Invisibles' o 5 de decembro ás 20.00 horas. Un acto que dará por finalizada a programación prevista con motivo do 25 de novembro.