Inscricións telemáticas para "A procura do tesouro", "A hora do conto" e "Rocklab"
Por Oskar Viéitez
A programación de obradoiros para a rapazada que leva a cabo o Concello de Pontevedra no Pazo da Cultura bota a andar un ano máis ofertando máis de 300 prazasnos obradoiros "A procura do tesouro" de Migallas Teatro, "A hora do conto" de Pavís Pavós e "RockLab" de Rocklab Team.
Como novidade, este ano as inscricións realizaranse unicamente a través do enderezo electrónico coordinacion@pazodacultura.org entre as 00:01 do 8 de outubro e as 23:59 do 9 de outubro, achegando debidamente cuberto e no prazo sinalado, un formulario por neno e actividade.
As follas de preinscrición xa están dispoñibles na web www.pazodacultura.org onde aparecerán publicadas o día 10 as listaxes provisionais de admitidos nas diferentes actividades.
Naquelas obradoiros onde a demanda supere a oferta, o día 11 realizarase un sorteo público para a asignación das prazas, priorizando o alumnado que participou en anteriores edicións.
Para as actividades nas que queden prazas vacantes logo do día 11, os formularios de inscrición permanecerán dispoñibles na web e serán recepcionados a través do mesmo correo.
Relacionadas:
-
Os obradoiros de Migallas Teatro, no limbo
Por Natalia Puga |
-
Estes son os tesouros que andaban a buscar: 'Moita Televisión!' e 'Pegadas de Castelao'
Por Diego Torrado & Redacción |
-
Se tes entre 13 e 16 anos e inquietudes musicais, es parte da Xeración Sónica
Por Oskar Viéitez |
-
RADIO.- A playlist de... Mushu: gardiás do rock en feminino
Por Marisa Ciordia |
-
Os grupos infantís de 'Á procura do tesouro' presentan a obra 'A primavera da aldea'
Por Redacción |