Un gran mural recordará a María Victoria Moreno en Eduardo Pondal
Por Alejandro Espiño
A pegada de María Victoria Moreno en Pontevedra estará, aínda máis, presente na cidade. Será cun gran mural que adornará unha parede da rúa Eduardo Pondal, fronte a ponte da avenida de Vigo. Será un dos últimos actos que se enmarcan dentro do ano que, a nivel cultural, se dedica a esta mestra e escritora estremeña, pontevedresa de adopción.
O deseño é de Tania Solla e será executado Polo Correo do Vento. Segundo sinalou o concelleiro Alberto Oubiña, está previsto que o pintado comece o próximo 14 de outubro. Días antes limparase a parede e colocaranse as estadas para facer a intervención artística.
Ademais, o 22 de novembro, coincidindo coa data na que se cumprirán trece anos do pasamento da autora, editarase unha tirada de selos de correo para coleccionistas, conmemorativo do ano dedicado a María Victoria Moreno.
O Concello agasallará cun selo ás distintas administracións implicadas no Ano María Victoria Moreno, a institucións como a Real Academia Galega, á familia da docente e escritora e aos centros sociais da cidade. Ademais as persoas interesadas en facerse cun selo conmemorativo poderá solicitalo no Concello -un por persoa- previa presentación do DNI.
O responsable de Normalización lingüística avanzou que, a maiores destas dúas actividades, o Concello comprará e distribuirá 500 exemplares dunha biografía de María Victoria Moreno escrita por Joanne Lorenzo, con ilustracións de Tania Solla. Os libros entregaranse aos centros de ensino e aos centros sociais e culturais da Boa Vila.
A programación completarase con dous obradoiros infantís de contacontos ilustrados sobre a figura de María Victoria Moreno, que terán como escenarios o local social Centro Leste e a Casa da Cultura de Monte Porreiro.
Relacionadas:
-
Un ano das letras galegas cheo de amor cara a profesora María Victoria Moreno
Por Anxo Lourido |
-
De paseo literario con María Victoria Moreno
Por Redacción |
-
Un roteiro con Ana Acuña e Fina Casalderrey para inaugurar o mural de María Victoria Moreno
Por Redacción |
-
O mural de María Victoria Moreno toma forma en Eduardo Pondal
Por Redacción |
-
'Nosoutras', o libro de relatos que recolle a visión literaria de María Victoria Moreno sobre as mulleres
Por Redacción & Mónica Patxot |
-
RADIO.- A playlist de ...Pedro Ferriol e María Victoria Moreno: puidese ser que puidese e sempre se pode máis
Por Marisa Ciordia |
-
María Victoria Moreno, un referente "que sempre está presente entre nós"
Por Alejandro Espiño & Diego Torrado |
-
As letras galegas dedican o seu gran día a María Victoria Moreno e o seu "compromiso" con Galicia
Por Alejandro Espiño & Diego Torrado |
-
Pontevedra homenaxea a María Victoria Moreno, unha muller que "amou intensamente" a Galicia
Por Alejandro Espiño & Diego Torrado |