Un preso da Lama deféndese de posesión de droga alegando que "el paquete era de otro"
Por Natalia Puga
O interno o centro penitenciario da Lama Manuel G.R. sentouse este xoves no banco dos acusados da Sección Cuarta de la Audiencia Provincial de Pontevedra para render contas por un delito contra a saúde pública por supostamente levar enriba unha importante cantidade de pastillas e un anaco de haxix. El sostivo en todo momento a súa inocencia e para defenderse alegou que o paquete que lle pillaron "no era mío, era de otro".
A Manuel G.R. encontráronlle a droga durante un cacheo realizado tras participar nun encontro vis a vis coa súa familia. Un funcionario localizoulle no peto da cazadora un paquete con 24 pastillas de Diazepam-Prodes de 10 miligramos, 30 pastillas de Rubifén, 47 pastillas de Trankimazin e unha pedra de hachix que pesaba 10 gramos. Tamén levaba 80 euros enriba, pero si recoñeceu que eran seus.
El recoñeceu durante o xuízo que levaba enriba o paquete, pero explicou que non era seu, senón que llo pasara tan só un instante antes outro interno co que compartía módulo en prisión e que participara ese día tamén nun vis a vis coa súa muller. Ao términar as visitas de ambos os dous foron trasladadados dende o departamento de comunicacións ata o punto no que lles cachearon e, segundo o acusado, o outro "me pidió que le llevase el paquete, le dije que no, pero me lo dio".
"Nunca tuve ningún contacto con la droga ni para consumirla ni para trapichear"
Ademais, no seu defensa, asegurou que "nunca tuve ningún contacto con la droga ni para consumirla ni para trapichear", que os dous anos de prisión que estaba a cumprir non se debían a un delito relacionado coas drogas e que non opuxo moita resistencia a levar o paquete que lle pasou o seu compañeiro porque "nunca desconfié de él o de que tuviese drogas" e porque cando lle deu o paquete o fixo "en tono amnazante" . "Me amenazó un poquito, sentía miedo", indicou.
O compañeiro ao que acusa de terlle pasado a droga tamén declarou no xuízo e asegurou que non lle entregara ningún paquete e que de ningún modo llelo terían pasado durante o vis a vis porque "mi familia viene a verme a la cárcel, no viene a traerme nada". Este interno chegou esposado ao igual que o acusado porque ambos os dous permanecen en prisión.
Durante o xuízo tamén prestaron declaración varios funcionarios do centro penitenciario, entre eles o que realizou o cacheo no que se encontrou a droga ao acusado. Asegurou que unha vez que lle encontrou o paquete "ya dijo que la sustancia no era de él", aínda que si recoñeceu que "el dinero sí que era suyo".
Tanto el coma o resto de funcionarios que declararon no xuízo aseguraron que "no teníamos constancia ni informaciones" de que o acusado "consumiese o trapichease" en prisión nin que tivese algún contacto previo coa droga. Non obstante, si que tiñan coñecemento e sospeitas de que se dedicaba a estas actividades o outro preso que segundo Manuel G.R. deulle o paquete. Sobre este interno, un dos traballadores da Lama indicou que "se le habían metido otros partes por introducir o consumir drogas en prisión".
Tras escoitar o acusado e as testemuñas, o fiscal do caso mantivo que o acusado portaba as referidas substancias coa intención de entregalas a cambio de prezo a terceiras persoas e reiterou a súa acusación contra el por un delito contra a saúde pública na súa modalidade de posesión de substancias que causan grave dano á saúde preordenar ao tráfico, agravado pola circunstancia de terse producido no interior dun centro penitenciario.
Malia manter a súa acusación, o fiscal modificou as súas conclusións provisionais e reduciu a pena que solicita para o procesado por ser as substancias que lle interviñeron no cacheo de pouca gravidade. Así, pasou de pedir ao tribunal que o condenase a sete anos de prisión e o pagamento dunha multa de 1.800 euros a solicitar tres anos e un día sen liberdade e unha multa de 600 euros.