A creación do novo parque infantil de Campolongo interesa a trece empresas
Por Redacción
Trece empresas presentaron ofertas para lograr o contrato para a creación do novo parque infantil de Campolongo, no que se prevén investir 300.000 euros.
A mesa de contratación reunirase o vindeiro mércores 2 de maio para coñecer as propostas das compañías Lapset, Kompan, Ferrovial, Isaba, HPC Iberica, Zona de obra O Rosal, Sport Equipalia, Oziona, Jardincelas, Naron, Althenia, Bricantel e Piñeiro construcciones.
O parque estará situado entre o paseo cuberto do Gafos, o colexio Crespo Rivas e a piscina municipal de Campolongo.
A actuación pretende crear unha área de xogos de 930 metros cadrados, dividida en tres zonas diferenciadas.
Haberá unha para os máis pequenos, menores de 6 anos. Esta área terá unha superficie de 200 metros cadrados e disporá de xogos inclusivos.
Tamén se habilitará unha para maiores de seis anos, cunha superficie de 450 metros cadrados, na que se disporá dun xogo tipo tirolina, outro de cesta múltiple e unha torre que terá, polo menos, tobogáns de alturas entre os 2,5 e os 6,5 metros.
A obra incluirá unha zona intermedia para os acompañantes e para os accesos cunha superficie de 450 metros cadrados, na que ademais de bancos tamén se instalarán mesas de xogo, outra de tenis de mesa e unha fonte adaptada.
Relacionadas:
-
O novo parque infantil de Campolongo estará rematado nun mes
Por Alejandro Espiño & Mónica Patxot |
-
Campolongo estreará o parque infantil "máis grande" de Pontevedra antes de final de ano
Por Alejandro Espiño |
-
Licitan por 300.000 euros a construción do parque infantil de Campolongo
Por Alejandro Espiño |