Perde o control do coche e precipítase por un terraplén da avenida de Compostela
Por Oskar Viéitez
De maneira case simultánea a Avenida de Compostela rexistrou na madrugada do domingo dous accidentes de tráfico debido a saídas de vía.
O máis rechamante dos dous accidentes tivo lugar nas inmediacións do campus universitario.
Segundo informaron fontes oficiais da Policía Local de Pontevedra, a condutora dun Peugeot 205, por causas que se descoñecen, saíu da estrada precipitándose por un terraplén ata a rúa Celso Emilio Ferreiro, de acceso ao campus universitario.
Un dos ocupantes do vehículo resultou ferido de carácter leve. A condutora deu negativo nas análises de alcol e drogas realizados pola Policía Local.
Mentres os axentes atendían este sucesom outro condutor chocou co seu vehículo contra as proteccións laterais da ponte de Santiago sobre o río Lérez.
Igualmente este condutor deu negativo nos test de alcol e drogas.