O Grove acomete o mantemento do Paseo de Lordelo
Por Redacción
O Concello do Grove vén de poñer en marcha unha obra de mantemento do Paseo de Lordelo que supón a limpeza do óxido e a mellora dos tubos de peche deste espazo.
O seu mal estado estaba provocando o deterioro da pedra da balaustrada ademais do conseguinte risco de oxidación dos materiais de seguridade do mesmo.
Deste xeito, o Concello emprendeu esta semana una actuación que supón a retirada de todos estes elementos para, posteriormente, realizarlle un tratamento para garantir o seu bo estado. Unha vez retirados estase procedendo a eliminar os restos de óxido da pedra e ao ser colocados no seu lugar os tubos son adecuadamente pintados.
Trátase dunha obra moi demanda polos veciños da zona e os membros do grupo de foberno achegáronse este mércores á zona para informarse da mesma, ao tempo que se revisaban a evolución dos traballos da Avenida dos Irmáns Otero Goday onde Portos de Galicia ten posto en marcha a construción das beirarrúas na zona coñecida como "Con das Señoritas".