![](/web/cache/scene/uploads/fotos/foto/f0d/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/53835bbb98-dsc_0828.jpg)
© PontevedraViva
O PP rexeita debater sobre a Lei Wert de educación en Poio
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O venres 12 de abril ás oito da tarde o Casal de Ferreirós acollerá unha mesa redonda para tratar o tema da Lei Orgánica para a Mellora da Calidade Educativa (LOMCE), máis coñecida como Lei Wert. Neste debate quérese analizar as consecuencias que a aplicación da lei ten nos centros educativos.
A Federación de asociacións de Nais e Pais de Pontevedra (FANPA) quixo organizar este acto no que participarán representantes deste colectivo no CEIP de Poio, unha profesora, representantes políticos do PSOE e do BNG.
Non obstante, non acudirá ninguén do Partido Popular nin tampouco o Xefe territorial de Educación da Xunta de Galicia, César Pérez. Segundo denuncia o organizador do evento, Jorge Pérez, vicepresidente de FANPA Pontevedra para Poio e Barro, os representantes do partido no goberno foron invitados e rexeitaron acudir a esta cita.