Barro adxudica a mellora dos viais da parroquia de Agudelo
Por Redacción
Co obxectivo de mellorar os viais da parroquia de Agudelo, o goberno local de Barro vén de adxudicar o proxecto de mellora de accesos no lugar de Concello".
O vial comunica este lugar co de Madanela e a estrada provincial e a actuación que se vai levar a cabo servirá para dar máis seguridade tanto á circulación de vehículos coma ós peóns.
Dito proxecto, cun orzamento de 50.507 euros, está incluído no Plan de Melloras de Camiños Municipais 2017-2018 da Axencia Galega de Desenvolvemento Rural, e conta cunha axuda económica de 41.742 euros deste organismo.
A obra foi adxudicada á empresa Caldevergazo, que ofertou executar o proxecto por un importe de 36.287,90 euros.