Os Chaneiros organizan este sábado o festival infantil do Memorial Antonio Fernández
Por Redacción
O próximo sábado día 9 de setembro terá lugar, dentro do VI Memorial Antonio Fernández, o VI Festival tradicional infantil, coa participación da A.C. Trompos os pés; G.D. Pais de San Roque, de Darbo; G.D. Soavela, de Hío; A.C. Mar de Arousa,de Bamio e a A.A.C. Os Chaneiros, de Marín.
Comezará ás 20 na Alameda Rosalía de Castro.
Previamente e segundo a tradición destes pasados anos, serán recibidos no salón de plenos do concello pola alcaldesa que dará a benvida ós grupos de fóra e aos da casa e, posteriormente, iran desfilando ata a Alameda para as actuacións.
Este martes presentaron o certame oa concelleira da área de Cultura, Beatriz Rodríguez Gómez, e as responsables da agrupación de Os Chaneiros.