Dous motoristas feridos en senllos accidentes en Cambados
Por Redacción
Dúas persoas resultaron feridas este xoves en senllos accidentes de circulación ocorridos en Cambados. En ambos os casos trátase de motoristas.
O primeiro dos sucesos tivo lugar á primeira hora da mañá. Tratouse dunha saída de vía nunha pista das Laxes, en Corbillón. O piloto da motocicleta implicada, de 32 anos de idade, tivo que ser trasladado por unha ambulancia do 061 ao Hospital do Salnés, cunha fractura de tibia e un forte golpe nas costelas, segundo informou o Servizo de Emerxencias.
Por outra banda o segundo accidente na PO-300 á altura de Vilariño pouco antes das 11:00 horas.
O ferido nesta ocasión foi un home, de 77 anos de idade, que manexaba un ciclomotor e foi embestido por un coche que saía dun garaxe sen decatarse da súa presenza.
Tamén foi trasladado ao Hospital do Salnés afectado de dor nunha perna e no costado.