A asociación Boa Vida presenta a súa Escola de Verán
Por Redacción
A asociación pontevedresa Boa Vida continua a súa labor solidaria na rúa Santa Clara 35, no novo centro de consumo responsable coa asociación Amarante.
Este luns en rolda de prensa os responsables desta entidade prestadora de servizos sociais presentaron as actividades a desenrolar no último cuadrimestre do ano coas que pretenden seguir acompañando a persoas en situación de pobreza e exclusión facilitándolles emprego, formación e información, e solicitar a solidariedade da cidadanía para que sigan achegando os obxectos que xa non precisan e acudindo a facer as compras na súa tenda.
A actividade estrela de inicio de temporada é a Escola de Verán, que nesta sexta edición continúa informando tanto a persoas en situación de exclusión como a cidadáns que queiran coñecer como funciona o voluntariado.
Esta actividade, financiada pola Dirección Xeral de Xuventude, Participación e Voluntariado, consta de dúas xornadas e unha mesa redonda. Na primeira presentarase a páxina web de dita dirección xeral e explicaranse os dereitos e deberes que teñen os voluntarios en calquera organización, mentres que na segunda afondarase sobre o voluntariado en Boa Vida, especialmente aquel que ten como orientación o apoio no emprego.
O mércores 30 ás sete e media no mesmo local no que se atopa a tenda, na rúa Santa Clara 35, realizarase unha mesa redonda na que a coordinadora da asociación presentará a evolución do traballo realizado ata agora no proceso de creación da empresa de inserción "Boa Vida Trapera".
Para asistir a estas actividades gratuitas é preciso inscribirse por correo electrónico ou teléfono.
A segunda actividade é a volta ao cole. A asociación, coñecedora das necesidades das familias no inicio do curso, contará cun espacio dedicado a roupa, calzado e material escolar para os mais pequenos. Todo a partir dun euro.