Chamada a unha concentración silenciosa de repulsa aos atentados de Barcelona e Cambrils
Por Redacción
Creada e actualizada
Creada e actualizada
A Federación Española de Municipios e Provincias fai un chamamento á participación cidadá nas concentracións silenciosas convocadas en todos os concellos a partir das 12.00 horas deste venres 18 de agosto.
Con estes actos queren mostrar a repulsa da cidadanía cara aos atentados das últimas horas en La Rambla de Barcelona e o frustrado en Cambrils, onde os Mossos lograron abater esta noite a cinco terroristas que pretendían un novo masacre.
A concentración en Pontevedra farase ante o edificio consistorial situado na rúa Michelena. Asistirán membros da corporación municipal do mesmo xeito que funcionarios do Concello e todas aquelas persoas que queiran sumarse a este acto co que se quere dar unha mostra de solidariedade coas vítimas do atentado de Barcelona, coas súas familias e, en xeral, co pobo catalán que está a sufrir a conmoción destes ataques.
Tamén se convoca outra concentración pola mesma causa na Subdelegación do Goberno de Pontevedra á mesma hora, ás 12.00 h. Neste edificio, as bandeiras ondearán a media asta durante os tres días de loito decretados.
Relacionadas:
-
Pontevedra garda silencio ante o atentado en Exipto: "Todos os mortos son iguais"
Por Natalia Puga & Mónica Patxot |
-
Estudan dotar a paseos e rúas de obstáculos físicos antiterroristas "non só en festas"
Por Redacción |
-
A Policía Local extrema as precaucións na Batalla de Flores ante a alerta terrorista
Por Redacción |
-
Pontevedra exterioriza o seu rexeitamento aos atentados en Cataluña
Por Redacción |