Sae á rúa a segunda fornada de mestres composteiros
Por Oskar Viéitez
A Deputación de Pontevedra incorporará como bolseiros a todos os aspirantes que pasaron con éxito o curso da ‘Facultade de Compostaxe’ neste ano 2017 ao abeiro do Plan Revitaliza.
Así o confirmou este xoves o vicepresidente provincial, César Mosquera, quen xunto coa presidenta Carmela Silva entregou aos bolseiros os diplomas acreditativos de ter a formación necesaria para traballar como mestres composteiros nos concellos da provincia.
Mosquera explicou que a segunda promoción da ‘Facultade de Compostaxe’ demostrou ter un nivel de calidade e compromiso comparable aos alumnos do primeiro ano, e manifestou a intención da institución provincial de ampliar o número de bolseiros contratados en prácticas.
O vicepresidente lembrou que nun primeiro momento a intención era adxudicar unha bolsa (1.400 euros mensuais durante 12 meses) aos 15 que tiveran a mellor nota, mais subliñou que dada a grande demanda dos concellos, 29 adheridos á segunda fase e 35 traballando coa compostaxe en xeral, fai que todos "sexades necesarios".
Relacionadas:
-
A Deputación abre a porta para instalar composteiros en terrazas na terceira fase do Plan Revitaliza
Por Natalia Puga | Creada e actualizada
-
Compostaxe: á vangarda da xestión do lixo na Galiza
Por Noticia patrocinada |
-
O PP pide ao goberno de Carmela Silva que renda contas pola compostaxe
Por Oskar Viéitez |
-
Seis concellos pontevedreses estarán compostando preto do 100% dos seus residuos orgánicos a mediados do 2018
Por Oskar Viéitez |
-
Entre os funcionarios da Deputación xa hai mestres composteiros
Por Natalia Puga & Mónica Patxot |
-
Bará insta á Xunta a estender o plan compost da Deputación a toda Galicia
Por Redacción |
-
240.000 euros para os centros de compostaxe comunitaria de Monte Porreiro e Campolongo
Por Redacción |
-
Expertos internacionais de renome imparten leccións maxistrais na Facultade de Compostaxe
Por Oskar Viéitez & Mónica Patxot |