Estafa un pontevedrés ao venderlle unha carabina por 500 euros e non entregarlla
Por Redacción
Un home de 41 anos, natural de Santander, foi detido pola Policía Nacional tras estafar un pontevedrés ao que vendeu unha carabina de aire comprimido por 500 euros que nunca lle chegou a entregar.
Segundo informou a Policía Nacional, foi detido o pasado 7 de xuño. Tiña antecedentes por feitos similares e foi posto a disposición xudicial. Impútaselle un delito de estafa.
Todo comezou cun anuncio publicado na internet. A vítima atopou nunha coñecida web de compra-venda online o anuncio dunha carabina de aire comprimido que se vendía por 500 euros.
Interesado pola adquisición da arma, contactou co vendedor acordando que unha vez abonada a cantidade por trasferencia enviaríalla.
Ese mesmo día tras realizar a trasferencia xa non volveu ter noticias do vendedor e ao non recibir o produto acudiu ás dependencias policiais da súa cidade, Pontevedra, o pasado día 10 de abril para denunciar o ocorrido.
As xestións practicadas polos investigadores policiais da Brigada Provincial de Policía Xudicial da Comisaría de Pontevedra, frutificaron ao identificar plenamente ao detido como a persoa que puxo o anuncio e recibiu a cantidade acordada na suposta compravenda.