A veciñanza coñece o proxecto da nova praza de Cerponzóns
Por Oskar Viéitez
Os concelleiros Demetrio Gómez e Pilar Comesaña presentaron o proxecto do novo núcleo de centralidade de Cerponzóns ao Consello parroquial, dando cumprimento ao compromiso de darlles a coñecer a actuación antes da contratación da obra.
Segundo trasladan dende o Concello de Pontevedra as necesidades e as liñas xerais do proxecto foran faladas cos representantes veciñais e as súas suxestións están reflectidas no deseño presentado.
Estas mesmas fontes aseguran que a veciñanza acolleu dun xeito "moi positivo" a proposta que reordenará o espazo arredor do centro social e creará unha nova praza, seguindo os estándares de calidade que definen o modelo Pontevedra.
O proxecto está listo para contratación mais faltaba a presentación comprometida diante dos veciños aberta a suxestións de última hora.
A actuación proxectada en Cerponzóns é "a posta en práctica do modelo Pontevedra", subliñaron os concelleiros e amosa como "pouco a pouco vaise universalizando por todo o concello, no centro mais tamén nos barrios e parroquias".
Crearase unha praza no entorno do centro social con eliminación de barreiras, novo arborado, e mellora do parque infantil. Poranse medidas de calmado de tráfico o que inclúe o confinado do tránsito de vehículos no estremo do núcleo de centralidade con sentido único de circulación, con barreiras e calmado con lombos.
A obra ten previsto un orzamento de 219.625,49 euros.
Relacionadas:
-
Un muro do novo Centro Social causa malestar entre os veciños de San Vicente de Cerponzóns
Por Redacción |
-
Saen a contratación obras en Cerponzóns e Ponte Muíños e adxudican a Naturgalia as 32 bases dos centros de compostaxe
Por Oskar Viéitez |
-
O modelo de mobilidade de Pontevedra se universaliza e chegará a Cerponzóns e A Seca
Por Natalia Puga |
-
Ponte Sampaio, primeiro paso para levar iluminación led a todo o rural pontevedrés
Por Redacción |
-
Cerponzóns terá un núcleo de centralidade no ámbito do seu centro social
Por Redacción |