A avenida de Madrid permanecerá cortada ao tráfico este luns por obras
Por Redacción
A avenida de Madrid de Sanxenxo permanecerá pechada á circulación durante doce horas deste luns 24 de abril para permitir a realización de obras. As restricións empezarán ás 8.00 e prolongaranse ata as 20.00 horas.
Segundo informou o Concello de Sanxenxo a través dun comunicado, o motivo deste corte é que a Concellería de Servizos procederá á reposición e reparación das reixas da canalización das augas pluviais no tramo da avenida de Madrid entre o entroncamento coa rúa Progreso e o mercado de abastos.
O corte de tráfico afectará a ese tramo entre a rúa Progreso e o mercado e, para facilitar o acceso ao centro urbano, habilitarase ao tráfico cale Constitución en sentido de baixada, que habitualmente é de dirección prohibida.