Un home de 83 anos falece esmagado polo seu tractor en Portas
Por Redacción
Creada e actualizada
Creada e actualizada
Un home de 83 años, Francisco B.R., faleceu este martes tras sufrir un accidente co tractor co que realizaba tarefas agrícolas nunha leira do Concello de Portas.
O sinistro produciuse ao redor das 14.15 horas no lugar da Peroxa, na propia parroquia de Portas, cando o home traballaba co seu tractor e, por causas que aínda deberán esclarecerse, sufriu un accidente e quedou aplastado polo vehículo.
O fillo do falecido alertou do accidente ao Centro de Atención de Emerxencias de Galicia 112, que solicitou que se trasladasen ao lugar Urxencias Médicas de Galicia, Protección Civil de Portas, os bombeiros do Salnés e o Grupo de Emerxencias Supramunicipal (GES) de Valga.
Cando a ambulancia chegou ao lugar xa só puido certificar a morte do octoxenario. A Garda Civil levantou atestado do ocorrido e foi alertado o xulgado de garda de Caldas de Reis.
Unha hora despois de que se producise o primeiro aviso polo sinistro, sobre as 15.30 horas, a autoridade xudicial decretou o levantamento do cadáver e o corpo sen vida foi derivado a Santiago, onde se lle practicará a autopsia.