Axentes pontevedreses da Policía Nacional patrullarán en Portugal
Por Oskar Viéitez
Non se estrañe se durante a próxima Semana Santa atopa axentes pontevedreses da Policía Nacional patrullando polas rúas de Porto ou Braga.
Dous axentes da comisaría de Pontevedra pertencentes á Unidade de Seguridade Cidadá e outros dous da Comisaría de Vigo foron elixidos entre máis de 700 aspirantes para participar neste programa de intercambio polo que outros varios axentes da Policía de Seguridade Pública lusa, os coñecidos como guardinhas, traballarán nas Rías Baixas durante uns días.
É a quinta ocasión na que se desenvolve esta iniciativa que pretende favorecer a comunicación entre os turistas e os corpos e forzas de seguridade á hora de interpoñer algunha denuncia, reclamación e simplemente algunha dúbida de situación ou localización.