A concentración moteira de Ponte Caldelas estará pendente da choiva
Por Redacción
A concentración moteira de Ponte Caldelas foi programada polo Concello e o Motoclub de Redondela para o próximo 22 de abril, aínda que a data non é completamente fixa, porque, en caso de choiva, atrasarase á fin de semana seguinte ata garantir o bo tempo.
Deste xeito se pretende así asegurar as boas condicións de un evento que, nas súas primeiras edicións, estivo marcado pola choiva. Aínda así, chegou a rexistrar unha gran afluencia de afeccionados. Desta volta, engade o rexedor, xa partimos do acordo de que se atrasará canto sexa preciso para garantir o bo tempo.
A outra novidade deste ano é a celebración da concentración na zona de Chan da Barcia, a carón do campo de fútbol e o pavillón, un espazo máis apropiado que a Alameda para unha concentración sobre dúas rodas. Alí celebrarase tamén un espectáculo de “stunt”, polo que os asistentes poderán gozar das acrobacias a cargo de dun especialista.
A terceira concentración moteira de Ponte Caldelas incluirá unha saída organizada a un lugar do municipio e, finalmente, a habitual convivencia entre todos os asistentes. A organización tamén contactará cos hostaleiros locais coa intención de que ofrezan menús especiais para os motoristas que acoden á cita, que é outro evento máis na política municipal de dinamización da hostalería local.
O goberno local de Ponte Caldelas, do que forman parte os grupos municipais do PSdeG- PSOE, AVP e BNG, está decidido a apostar forte polo motor na programación deportiva e cultural do ano.
Ademais desta concentración moteira, tamén se celebrará no mes de agosto a segunda edición do Rally Subida de Ponte Caldelas, puntuable para o Campionato Galego de Montaña, e, finalmente, a segunda concentración de coches clásicos, que botou a andar o ano pasado cun gran éxito.