Reaberto o acceso á praia de Paxariñas tras o seu peche polo temporal
O primeiro temporal do ano obrigou esta fin de semana a restrinxir o paso aos veciños á praia de Paxariñas, que finalmente reabriu o seu acceso durante a mañá deste luns 6 de febreiro. A decisión de pechar a praia foi tomada con motivo do aviso de varios usuarios que alertaron sobre o posible derrubamento de rocas sobre a area.
Para comprobar a situación, a Policía Local e o Servizo Municipal de Emerxencias realizaron o domingo ao mediodía unha inspección na que finalmente non se detectou ningunha incidencia e un técnico de Costas do Estado comprobou que a malla metálica que contén o cantil se atopaba en perfecto estado. A pesar diso, para evitar o paso daqueles curiosos que quixesen ver os efectos do temporal, a Concellería de Seguridade decidiu pechar o paso ao areal.
Non todo Sanxenxo saíu tan ben parado como o seu litoral: o Servizo Municipal de Emerxencias, en colaboración coa Policía Local e a empresa de recollida de residuos, atendeu ao longo da fin de semana 37 incidencias, dende farois, postes eléctricos e colectores derrubados polos fortes ventos ata a rotura de varios espellos nos cruces, que afectan á seguridade viaria.
O material danado repoñerase nas próximas semanas e mentres tanto os veciños poderán volver gozar da praia de Paxariñas, cunhas previsións metereolóxicas que se presentan tranquilas.
Relacionadas:
-
A próxima semana empezarán as obras de mellora de accesos á praia de Canelas
Por Redacción |
-
Pontevedra cifra en 2,2 millóns de euros os danos provocados polo temporal
Por Alejandro Espiño |
-
O temporal amaina dando paso a unha semana de nubes e claros con posibilidade de choivas débiles
Por Redacción |
-
VÍDEO.- O río Gallo desborda en Cuntis e o asfalto abre en Sanxenxo
Por Redacción |
-
Restrinxido o paso de peóns pola ponte da Barca polos danos do temporal
Por Diego Espiño & Diego Torrado |