Detidos dous ladróns especializados en roubos en vivendas en Vilagarcía
Por Redacción
A Policía Nacional conseguiu deter dous veciños de Vilagarcía de Arousa que nos útlimos tempos presuntamente cometeran varios roubos en domicilios da localidade. Trátase de dous mozos que consideran que son especialistas nesta modalidade delituosa e teñen numerosos antecedentes policiais por feitos similares.
Segundo informou a Policía Nacional, lograron ser detidos no marco do dispositivo especial establecido para a prevención dos roubos en interior de vivendas unifamiliares e os investigadores concluíron que ambos cometeron os roubos utilizando o mesmo modus operandi.
Ambos os ladróns presuntamente entraron nas vivendas fracturando as xanelas, tras o cal, subtraeron obxectos de significativo valor económico que a posteriori venderon no mercado negro.
Ante estas detencións, a Comisaría Provincial lembra aos cidadáns o consello de que non adquiran obxectos de segunda man que non teñan acreditada a súa lícita procedencia.