Ponte Caldelas celebra na primeira fin de semana de febreiro a súa feira de oportunidades
Por Redacción
A primeira fin de semana de febreiro é a festa do comercio de Ponte Caldelas. O pavillón municipal acollerá durante o sábado, 4 e o domingo, 5 a novena edición da Feira do Verdugo, coa presenza de máis dunha trintena de establecementos comerciais locais.
A entrada é completamente gratuíta e a actividade, organizada pola asociación de comerciantes Coempo, conta coa subvención do Concello de Ponte Caldelas. Os detalles da organización quedaron pechados a semana pasada na xuntanza da Mesa Local de Comercio, celebrada baixo a presidencia do alcalde, Andrés Díaz.
A Feira do Verdugo conta co amplo espazo de aparcamento de Chan da Barcia. No interior do recinto deportivo, perfectamente acondicionado para a ocasión e dotado de moqueta para protexer a superficie, haberá postos de todos os sectores, encabezados polo téxtil, pero tamén de calzado, complementos, maquinaria agrícola, sistemas de calefacción, deportes, caza e pesca, mascotas, disfraces, bisutería, cosmética, en horario de 10 a 21 horas.
A feira de oportunidades caldelán, en consonancia coa Lei de Comercio, respecta o requisito de que todos os produtos dispoñen das mesmas garantías e dereitos para o consumidor, polo que a única diferenza será o prezo.
Relacionadas:
-
Ponte Caldelas renova o convenio cos comerciantes para a dinamización do municipio
Por Redacción |
-
A Feira do Verdugo desafía ao mal tempo e abre as súas portas en Chan da Barcia
Por Redacción |
-
Os feirantes de Ponte Caldelas deben renovar a súa licenza antes do 1 de decembro
Por Redacción |
-
Ponte Caldelas non quere que ningunha cooperativa controle a feira da vila
Por Oskar Viéitez |