![](/web/cache/scene/uploads/fotos/foto/bb4/_S7QytKoutjK3UsovKMnMzytWsi62MrK0UqrKz891Lsov0DGzMN_/_AxNjDQKcpMzyjRScovKcnPVbKuBQA=_/5873b4f84e-img-20170109-wa0072.jpg)
© @Quercus_roburGZ
Estudantes do Centro de Formación Agroforestal de Lourizán reclaman melloras ante a Xunta
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/781/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0knKLynJz1WyrgUA_/5873b4e329-img-20170109-wa0071.jpg)
© @Quercus_roburGZ
![](/web/cache/scene/uploads/fotos/foto/ee1/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0knKLynJz1WyrgUA_/5873b50fe8-img-20170109-wa0077-1-.jpg)
© @Quercus_roburGZ
Un grupo de estudantes do Centro de Formación e Experimentación Agroforestal de Lourizán se manifiestaron este luns ante a delegación da Xunta de Galicia en Pontevedra.
Estes alumnos organizaron unha protesta por varias demandas. Denuncian que os coches que utilizan para levar a cabo as prácticas no exterior non se atopan en condicións para que circulen e nin sequera pasaron a ITV. Ante esta situación, son os propios alumnos os que ven obrigados a utilizar os seus vehículos para poder realizar as prácticas.
Apuntan, tamén, que o material informático atópase descatalogado e desfasado. A estes problemas para acometer o traballo, suman que non se está substituíndo aos monitores que se atopan de baixa e das prazas que non se atopan cubertas. Ademais, carecen de persoal administrativo.
Os estudantes indican que enviaron unha carta antes do Nadal á Consellería do Medio Rural para que tivesen coñecemento das súas demandas e non recibiron contestación. Sinalan que os recortes agraváronse nos últimos dous meses e que os profesores son os que se encargan dos labores administrativos. Ante esta situación, a dirección deste centro dependente da Xunta de Galicia apoia as protestas, segundo afirman os estudantes.
O ciclo leva en funcionamento dous anos con 25 alumnos por clase. Conta con 100 estudantes e tan só con 3 monitores, segundo denuncian.