O IES de Cotobade obtén o segundo premio do Festival de Curtametraxes sobre patrimonio
Por Redacción
Un grupo de estudantes do Instituto de Ensino Secundario de Cotobade logrou o segundo premio na Categoría Lascas para menores de 18 anos no I Festival de Curtametraxes sobre ou Patrimonio Arqueolóxico da Provincia de Pontevedra. Estes alumnos presentaron un vídeo sobre a "Pedra das Ferraduras", un singular petróglifo situado en Fentáns, na parroquia de San Xurxo de Sacos.
O grupo está formado por sete estudantes de 4º nivel da E.S.O.: Iria García Porto, Johanna Pena Martínez, Adrián Esperón Villaverde, Juan Abilleira Souto, David Fontenla Graña, Patricia Garrido Vidal e Óscar Martínez Solla e contaron co apoio dos profesores Beatriz Pérez Espiña, Patricia García, Mario Rey e María Vitoria Carrera.
Este primeiro certame está organizado pola Deputación de Pontevedra a través do Museo coa intención de fomentar e divulgar a investigación sobre o pasado para o coñecemento e comprensión do medio social, económico e ambiental. Trátase dun proxecto co-financiado pola "Fundación Española para a Ciencia e a Tecnoloxía - Ministerio de Economía e Competitividade".
Esta curtametraxe dura un minuto e vinte e cinco segundos, pero a través de debuxos en animación, os estudantes do IES de Cotobade explican de forma didáctica o significado dos deseños de cervos, pegadas e círculos concéntricos que se atopan na "Pedra das Ferraduras", un petróglifo situado sobre o río Lérez.