Faleceu José Lage Radio, párroco emérito de San Bartolomé
Por Redacción
O arcebispado de Santiago de Compostela informou este luns do falecemento de José Lage Radio, párroco emérito de San Bartolomé de Pontevedra.
Vélase na súa casa de Xil. O enterro será este martes día 20, ás 17:00 horas na parroquia de Xil, en Meaño.
José Lage, sacerdote desde hai 56 anos, foi nomeado párroco de San Bartolomé en 1992 aínda que a súa traxectoria pastoral iniciouse en Nantes, Sanxenxo, para máis tarde ser docente no seminario en Madrid. Contaba cun posgrao de Psicopedagoxía.
Volveu a Galicia ao ser nomeado párroco en San Benito e Santa María, na zona norte de Santiago de Compostela onde permaneceu durante dúas décadas.