Sol e calor. Para esta fin de semana volve a primavera
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A previsión dos técnicos de MeteoGalicia para esta fin de semana nas Rías Baixas é de sol e calor.
O sábado as altas presións situaranse ao norte da península Ibérica, aportando estabilidade. Deste xeito teremos un día de tempo seco e moi soleado, con intervalos de nubes e néboas nas primeiras horas da mañá. As temperaturas mínimas non terán cambios significativos, pero as máximas experimentarán un lixeiro ascenso, de xeito que a sensación térmica será moi agradable en xeral nas primeiras horas da tarde. Os ventos soprarán frouxos do nordés, con intervalos de moderado no litoral e zonas altas.
O domingo Galicia quedará na influencia das altas presións polo que se agarda outra xornada de tempo seco e estable. Os ceos permanecerán pouco anubrados ou despexados en xeral, con bancos de néboa matinais en comarcas do interior. As temperaturas mínimas quedarán sen cambios significativos mentres que as máximas descenderán lixeiramente. O vento soprará frouxo de compoñente leste, con intervalos de moderado no litoral.