As compras de nadal teñen premio no comercio local
Por Redacción
'O teu Nadal, a nosa vida'. Así presenta a Asociación de Empresarios da Pequena e Mediana Empresa (Aempe) a súa campaña especial de Nadal, na que premiará a fidelidade dos que realicen as súas compras no comercio local de Pontevedra.
Os preto de 300 establecementos asociados a Aempe repartirán tickets entre os seus clientes para participar no sortel de ata 87 vales de compra, que irán desde os 50 ata os 1.000 euros.
Desde este xoves 16 de decembro e ata o día 13 de xaneiro os clientes obterán unso códigos que deberán introducir na páxina web www.aempe.com para comprobar se resulta premiado, pasando a participar automaticamente no sorteo dos tres grandes premios, que se celebrará o luns 16 de xaneiro.
Os premios poderanse gastar nos comercios asociados en compras non inferiores a 30 euros nin superiores aos 200 euros.