O BNG denuncia "opacidade e partidismo" nos convenios de Aguas de Galicia
Por Redacción
O portavoz de Ordenación do Territorio e Medio Ambiente do BNG, Luís Bará preguntou este mércores ao Goberno polos convenios de Augas de Galicia do ano 2016, "66 asinados con entidades locais dos que 56 foron asinados con concellos gobernados polo Partido popular".
O deputado do BNG preguntou polos criterios para asinar os convenios ante un "uso discrecional, escurantista, partidista e opaco", dixo, "por moita lei de Transparencia da que presuma o Partido popular".
Pola súa parte, a conselleira de Medio Ambiente, Beatriz Mato respondeu que a materia de augas, sobre saneamento e abastecemento, é unha "competencia exclusiva" dos concellos aínda que a Xunta e o Estado, "si así o entende, pode participar" e así, afirmou "o fixemos coa sinatura de 71 convenios durante o ano 2016 aos que hai que engadir seis actuacións máis feitas por decreto en cinco concellos". Ao longo dos próximos meses e anos, 75 concellos contarán co investimento de 50 millóns de euroos da Xunta de Galicia.
RIA DE AROUSA
Por outra banda, Mato reafirmou o compromiso da Xunta coa ría de Arousa, na que está previstó investir uns 23 millóns de euros ata 2020.
O orzamento previsto para o próximo ano ascende a 5,4 millóns de euros.