Especialistas españois participarán nun simposio en Poio sobre as orixes do turismo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Mosteiro de San Xoán de Poio acollerá o primeiro Congreso de Historia do Turismo no que se analizarán as orixes do movemento turístico en España desde 1900 ata 1939. A cita concentrará a ao redor de trinta especialistas procedentes de distintos puntos de España entre o 6 e o 8 de xuño de 2017 para analizar a orixe deste fenómeno que converteu a España nun país de turismo.
O simposio estará coordinado polo profesor Rafael Vallejo, da Facultade de Ciencias Económicas e Empresariais e o investigador da Universidade de Granada Carlos Larrinaga que desenvolve, segundo recolle o DUVI, un proxecto sobre a historia do turismo en España no que se inclúe un segundo proxecto no que se elabora a primeira historia do turismo en Galicia.
O evento tratará a economía relacionada co turismo; as políticas públicas; a arquitectura; a oferta e servizos turísticos; o transporte, aloxamentos e axentes; os produtos turísticos e a xeografía.