A Deputación estrea web co obxectivo de pasar de ser dunha páxina "aburrida" a atraer a mocidade
Por Redacción
A páxina web da Deputación conta actualmente con máis de 3.600.000 visitas en 2016, pero Carmela Silva a presidenta da institución provincial considera que se trata dunha web de difícil navegación e "aburrida". Por ese motivo, o vindeiro xoves 15 de decembro entrará en funcionamento a nova páxina da Deputación que se vai a caracterizar, segundo a presidenta provincial, por ser máis transparente, accesible e moderna, ademais de presentar notables diferenzas visuais fronte á anterior.
Entre as novidades establécese unha nova estrutura con catro seccións principais: actualidade, transparencia, concellos e temas. O buscador será rápido e se inclurá unha enquisa sobre temas relativos á Deputación provincial, coa intención de que sexa participativa.
A nova web adaptarase a todo tipo de dispositivos electrónicos, contará con propostas multimedia e, segundo sinalou Carmela Silva, será inclusiva con presenza notable das mulleres. "As mulleres non estaban" na web anterior, indicou a presidenta. Tamén se emitirán os plenos en streaming, tal e como se está facendo desde hai tres meses, con máis de 500 visitas.
Carmela Silva compareceu acompañada do vicepresidente da Deputación, César Mosquera, que indicou que a web cumpre cun obxectivo que se propuxeron, o de facilitar a lectura e destacar áreas. Ademais, contará tamén co dominio ".gal".
Ademais, a institución provincial seguirá potenciando a súa presenza nas redes sociais. Na actualidade, é a Deputación galega que conta con máis seguidores en Twitter. Ademais dispón de contas en Facebook, Youtube, Periscope ou Instagram.
A nova web foi elaborada por traballadores da Deputación Provincial.