Perde o control do seu vehículo e estrélase xunto ao Mercado de Abastos
Por Redacción
Rechamante accidente de circulación o acontecido este sábado ao redor das 15:00 horas na Avenida de Bos Aires, xunto ao Mercado de Abastos de Pontevedra.
Un home de preto de 60 anos de idade perdeu o control do vehículo que manexaba, un Mercedes Clase A, ata estrelarse xunto á entrada do aparcadoiro subterráneo do mercado.
O condutor resultou ileso e deu negativo na proba de alcoholemia á que foi sometido.
Segundo informou a Policía Local de Pontevedra tratábase dunha persoa cunha discapacidade recoñecida pero que manexaba un vehículo sen adaptar.