Marea Pontevedra alerta da presenza de veleno nas rúas da cidade
Por Redacción
Marea Pontevedra recibiu numerosas queixas polo veleno atopado en sumidoiros e ao aire libre en diversas rúas de Pontevedra. Así o expón a agrupación política que lidera Luís Rei nun comunicado no que se sinala que se colocou veleno como medida contra a proliferación de ratas e que iso supón numerosos problemas para a poboación debido ao perigo que leva para os nenos ou para animais domésticos.
Alertan, ademais, de que a contaminación que pode supoñer para as augas coas que estes produtos tóxicos teñan contacto. Marea Pontevedra reclama o cumprimento dun protocolo que obriga a ter o veleno en gaiolas, afastado de pasos de auga e a retirada inmediata dos animais mortos.
Os denunciantes aseguran que non se está levando a cabo este protocolo e que, ademais, as ratas mortas non son retiradas afirmando, por outra banda, que algún animal doméstico xa faleceu por inxerir o veleno.