Denuncian o uso das prazas para discapacitados como aparcadoiros de carga e descarga
Por Redacción
O colectivo Masa Crítica, a través dun socio de Pedaladas, detectou que se están utilizando as prazas para persoas discapacitadas para tarefas de carga e descarga de servizos a comercios e tamén estacionamentos ilegais por parte doutros turismos particulares.
Segundo este colectivo, denuncian que se está aproveitando o concepto de "volvo en 5 minutos" ou "é un momento" para deixar o vehículo ocupando esa praza, provocando así que os destinatarios non poidan estacionar no seu lugar e, por este motivo, se vexan obrigados a percorrer grandes distancias para as súas capacidades.
Tamén sinalan que se atoparon casos de bicicletas aparcadas de tal forma que dificultan o acceso e saída das prazas ás persoas con mobilidade reducida. Masa Critica indica que nas proximidades destes aparcadoiros existen lugares habilitados para o estacionamento de bicicletas ou outros elementos do mobiliario urbano para poder deixar ese vehículo.
Por este motivo, nas próximas semanas levarán a cabo acciones, xunto á asociación Amizade para reivindicar que as prazas para persoas con mobilidade reducida só ten un uso válido, o de garantir o dereito a unha mobilidade digna das persoas con diversidade física.
Masa Crítica solicitará ao Concello que facilite a través da rede electrónica un formulario para presentar denuncia voluntaria en formato telemático porque a estas persoas suponlle un esforzo acceder á comisaría para presentar a denuncia.
Ademais, iniciarán unha campaña de concienciación entre os ciclistas para que non bloqueen o acceso a estas prazas de aparcadoiro e se é necesario reclamarán a utilización do guindastre para que sexan retirados.
Relacionadas:
-
Acción de "guerrilla" de Amizade contra os que aparcan "sobre os nosos dereitos"
Por Redacción |
-
Denunciada por aparcar en prazas para persoas con discapacidade usando a tarxeta do marido morto
Por Redacción |
-
Un conductor sen discapacidade, sorprendido aparcando cun cartón caducado en 2009
Por Redacción |
-
Denunciado por aparcar nunha praza reservada para discapacitados usando a copia dun cartón que atopou nun coche
Por Natalia Puga |
-
Denuncian tres condutores que aparcaban irregularmente en zonas reservadas para discapacitados
Por Redacción |