O Caldelas Tapas Quentes comeza con doce establecementos a concurso
Por Redacción
As noites dos venres de decembro xa teñen plan en Ponte Caldelas. Chega o concurso gastronómico Caldelas Tapas Quentes, no que participarán doce establecementos hostaleiros da vila, segundo avanzou este venres o goberno municipal.
As tapas estarán dispoñibles durante as noites dos venres, 2, 9, 16, 23 e 30 de decembro.
A oferta é Churrasquería A Fonte (Potaxe mexicano), O Recanto (Moflete), Klimbin (Escondidiño puré de iuca), Acuña (Capriño boloñés), Pecas (Pastel de polo con salsa tártara), bar Parada (Pincho de montaña), Cervexaría Alameda (Lacón con ovo), Alalá (Delicias da horta), Verdugolandia (Merluza en salsa vermella), Aries (Rissoto de outono), bar Puente (Carrilleiras de tenreira con redución de Mencía) e restaurante 501 (Pantalán).
Trátase dun elenco variado que volverá ofrecer a súa tradicional mestura entre cociña galega e suramericana.
A novidade deste formato de tapas quentes para o Nadal está na eliminación da votación popular, que será substituída por un xurado profesional formado por Pepe Solla (Restaurante Casa Solla), cociñeiro galardoado cunha Estrella Michelín, e por Sergio Orge e Rubén González (El Cafetín), gañadores dos concursos De tapas por Galicia e Pontedetapas, de Pontevedra. O fallo darase a coñecer ao remate do certame.
O alcalde, Andrés Díaz, volveu agradecer a implicación da hostalería local, que sempre está disposta a traballar da man do Concello, unha simbiose que está a producir resultados moi produtivos, "ata o punto que moita xente nos di que Ponte Caldelas está de moda".
As tapas seguirán a ofrecerse ao prezo único de 2,50 euros, incluíndo unha bebida básica. Séguese así a estela do Caldelas Tapas deste pasado mes de xullo, que foi todo un éxito ao superar todas as previsións e alcanzar a cifra de 5.000 tapas vendidas ao longo de cinco fins de semana.
Relacionadas:
-
Os cociñeiros de Caldelas Tapas asisten a unha master class con Miguel González
Por Redacción |
-
Unha chiscadela á comida brasileira, gañadora do certame Caldelas Tapas Quentes
Por Redacción |
-
'Caldelas Tapas Quentes', preto das 4.000 tapas vendidas
Por Redacción |
-
Os cociñeiros Pepe Solla, Sergio Orge e Rubén González xa teñen gañador do "Caldelas Tapas Quentes"
Por Redacción |
-
Os mellores petiscos regresan a Ponte Caldelas en decembro con Caldelas Tapas Quentes
Por Redacción |
-
A cervexería Alameda gaña o segundo concurso Caldelas Tapas
Por Redacción |