En Ponte Caldelas gusta o feito a man
Por Redacción
O Pavillón de Ponte Caldelas acolleu este sábado a Feira de Artesanía, unha actractiva oferta de lecer para toda a xornada na que participaron unha trintena de expositores que presentaron unha gran diversidade de traballos elaborados de maneira artesanal, dende pezas saídas non só das mans dos profesionais da artesanía, senón tamén o froito das afeccións dos veciños, entre os que destaca a colección de cadros efectuados coa técnica do ganchillo dunha das expositoras.
Madeira tallada e torneada, mobles restaurados, aproveitamento de palets, marionetas, roupa de bebés, bisutería, pirogravado, ganchiño... son moitas as propostas que se poideron atopar no Pabillón de Ponte Caldelas.
Os centos de asistentes, puideron realizar obradoiros de tear maia e de trapillo, unha técnica para o aproveitamento de restos de teas). Todas elas son completamente exclusivas polo que constitúen unha oportunidade magnífica para mercar un agasallo distinto para as próximas festas do Nadal.
A feira tivo tamén un compoñente gastronómico, pois houbo postos de comida vegana, cerveixa artesá, alimentos deshidratados, pastelería caseira; e o mesmo tempo coincidiu co mercado que se celebra nesta vila os días 5 e 20 de cada mes.
A proposta lúdica, que os expositores calificaron de gran éxito, estivo cuberta coas actuacións de Aires do Norte y Olé, Os Xeitosos da Insua e, finalmente unha sesión de zumba, a cargo de Adriana García.