A Unión Federal de Policía informa ao Concello de Marín das deficiencias no servizo
Por Redacción
A executiva provincial da Unión Federal de Policía (UFP) de Pontevedra xunto co secretario local de Marín mantiveron este venres unha reunión coa alcaldesa de Marín, María Ramallo, na que lle expuxeron o "grave déficit" de policías que ten a cidade e a "complicada situación que se vive na comisaría.
Por parte da UFP propuxéronse solucións para paliar esta situación, tales como comisións de servizo ou atribucións temporais de funcións.
Nesta reunión, tamén se expuxo a necesidade dunha Unidade de Prevención e Reacción para Pontevedra, Marín e Vilagarcía.
A Unión Federal de Policía convocou para o próximo día 25 ante a comisaría de Marín unha concentración para denunciar "o mal ambiente que se respira na comisaría".
A alcaldesa tomou nota destas explicacións e demandas da UFP e comprometeuse a "informarse ben e ver de que forma se pode solucionar o problema".