Homenaxe da Escola Naval de Marín aos defuntos da Armada
Por Redacción
A Escola Naval Militar de Marín realizou durante este mércores unha homenaxe aos defuntos da Armada no panteón que a institución mariña posúe no cemiterio da Raña da vila.
O acto estivo presidido polo capitán de navío, o comandante director da Escola naval, José María Núñez Torrente, acompañado por unha comisión de oficiais, suboficiais e militares de mariñeiría e tropa, ademais da banda de música do centro de formación.
Durante o acto levou a cabo o rezo dun responso polo persoal da Armada falecido, despois de facer unha ofrenda floral no camposanto marinense.