José Acha, presidente da nova xestora do Partido Popular de Caldas de Reis
Por Redacción
Tras varias reunións con afiliados e responsables do Partido Popular de Caldas nos últimos meses, a dirección detectou a necesidade de renovar a agrupación neste Concello. Por este motivo, a Dirección Provincial do PP decidiu designar ao concelleiro José Acha Rodríguez como novo presidente da xestora de Caldas de Reis.
Así se decidía este luns na reunión mantida en Caldas, á que asistiron o presidente provincial do PP de Pontevedra, Alfonso Rueda; o secretario provincial, José Manuel Cores Tourís e a coordinadora de Organización, Luisa Piñeiro Arcos.
Acha Rocríguez será a partir de agora o encargado de dirixir o partido ata a celebración do Congreso Local. Na nova executiva, que se ampliará ata un total de 25 persoas durante os próximos días, figuran tamén o actual portavoz do grupo municipal, Miguel Ángel Janza, Carolina Martínez, José Francisco Alonso, Silvia María Fariña, María Vilariño, David Castro e Sara Martínez.