Rescate dunha moto acuática á deriva no Lérez
Por Redacción
O piloto dunha moto acuática quedou á deriva na tarde deste domingo en augas do río Lérez e tivo que ser rescatado polo Corpo de Bombeiros de Pontevedra.
Todo ocorreu sobre as 19.00 horas en augas do Lérez ao seu paso polo centro de Pontevedra. Tras recibir un aviso do propio condutor da moto, os Bombeiros, usando unha zódiac que forma parte do seu parque móbil, achegáronse ao momento no que se atopaba o vehículo.
Unha vez alcanzado o obxectivo, remolcárono ata o pantalán máis próximo, situado na contorna da ponte dos Tirantes e habitualmente utilizado polos piragüistas. A intervención foi rápida, duns poucos minutos.