Protesta de profesorado e estudantes do IES de Meaño pola mala conexión a Internet
Por Redacción
Os estudantes e o profesorado do IES de Meaño levaron a cabo este venres 28 de outubro un acto de protesta no centro para mostrar o seu malestar pola situación que levan sufrindo durante o últimos cinco anos con graves problemas coa conectividade no centro, que non recibe máis de 2 megas.
O IES de Meaño, segundo explica o seu director José Cimadevila, é un centro pequño que desde os seus inicios está incluído no proxecto Abalar da Consellería de Educación. Hai cinco anos a conexión a internet xa resultaba moi xusta e complicaba o traballo cos equipos tecnolóxicos. Pero, segundo denuncian desde este instituto, cada ano esa conexión empeorou a pesar de que cada vez contan cun maior soporte informático.
O centro recibiu numerosos premios de innovación educativa, tanto no territorio autonómico como nacional, ata o punto de que foi un dos centros seleccionados para expoñer un proxecto en SIMO, o Salón de Tecnoloxía para o Ensino de Madrid.
Sinalan que xa levan varios anos demandando unha mellora sen que lles ofrezan unha solución. Esta mesma semana, segundo José Cimadevila, carecía de conexión a internet na aula de informática, ademais de en varias aulas Abalar.
Ante esta situación, reclaman unha solución inmediata por parte da Consellería de Educación.