A seguridade viaria empeza por eles
Por Redacción
A Subdelegación do Goberno en Pontevedra acolleu este sábado a entrega de premios do III Concurso de Debuxo 'Ponte a conducir', para nenos de 3 a 11 anos, co que se pretende inculcar que 'a seguridade viaria comeza por nós mesmos', tal e como reza o seu lema.
A Plataforma Moteira pola Seguridade Viaria, organizadora do concurso, seleccionou algúns dos mellores debuxos coa intención de premiar o esforzo e o interese mostrado por todos os participantes.
O obxectivo da iniciativa é concienciar desde idades temperás sobre a importancia da educación viaria, xa sexa condutor ou como peón, axudando a mellorar a seguridade nas estradas.
Os premiados na terceira edición de 'Ponte a conducir' son: Judith Castro (3-5 anos), Jara Rial (3-5 anos), Zoe Gregorio Pereira (6-7 anos), Daniel Martínez (6-7 anos), Yanira Cao (8-9 anos), Antía Sobral (8-9 anos), Hugo Ruibal (10-11 anos), Rubén Cruceira (10-11 anos) e Carlota Rodríguez (9 anos, mención especial do xurado).