A representación laboral en Limpisa esixe a readmisión das traballadoras despedidas
Por Diego Espiño
O despedimento de tres traballadoras na empresa Limpisa-Grupo Norte, concesionaria da limpeza en edificios da Xunta en Galicia e Madrid, incumpre os acordos laborais asinados co plantel, segundo denuncia o sindicato UGT en boca do seu secretario comarcal, Ramón Vidal, "son consecuencia das reclamacións que presentaron as traballadoras ao incumplir a empresa os acordos laborais, é un trato discriminatorio e ademais cos despedimentos están a incumplir o pliego de condicións de número de empregados e horas".
O comité de empresa reuniuse este luns co delegado territorial da Xunta en Pontevedra, José Manuel Cores Tourís, un día antes do encontro que manterán co xefe dos servizos xurídicos de Limpisa, a quen reiterarán a súa esixencia de readmisión das empregadas despedidas, "as traballadoras aceptaron unha rebaixa dun 5% non soldo hai un ano e non cobrar a extra de decembro cun acordo de que non habería despedimentos. A única saída posible é a readmisión das compañeiras".
Para o próximo mércores, día 27, está prevista unha nova concentración das traballadoras ante o edificio administrativo da Xunta de Galicia en Pontevedra.