Tres persoas, intoxicadas pola mala combustión dunha cheminea en Ponte Caldelas
Por Redacción
Os servizos sanitarios de urxencia trasladaban na mañá deste luns 15 a tres persoas con síntomas de intoxicación na súa vivenda. O incidente producíase ás 9.30 horas, cando Urxencias Médicas informaba ao CAE 112 Galicia do suceso. Indicaban que unha UVI móbil dirixíase ata un domicilio, no lugar de Pazos, en Ponte Caldelas, para atender a tres persoas que sufrían mareos na súa vivenda.
Segundo o persoal do 112 Galicia, inicialmente sospeitábase de que se puidese tratar dun escape de gas e por ese motivo alertouse aos Bombeiros do Morrazo e á Garda Civil.
Os bombeiros realizaron as medicións na vivenda e comprobaron que a orixe da intoxicación atopábase na mala combustión dunha cheminea que provocou que as tres persoas foran trasladadas a un centro hospitalario para ser atendidas.