![](/web/cache/scene/uploads/fotos/foto/b1d/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5463568a10-20141029_113108.jpg)
CC BY-NC-SA PontevedraViva
O BNG de Marín pide explicacións sobre o proxecto de explotación da parcela cedida polo porto
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O grupo municipal do BNG de Marín, solicitou explicacións sobre a contratación dun estudo de viabilidade técnica, xurídica e de explotación da parcela de usos cedida polo Porto de Marín, que tería que ter encargado o goberno local do PP. Así o acordou o pleno da corporación municipal na sesión plenaria de outubro de 2015 a iniciativa do PP, a través dunha moción.
A pesar do tempo transcorrido, e de que no seu momento a alcaldesa, María Ramallo, fixo fincapé en que o Concello debería marcar os usos aos que se vai dedicar este espazo para poder levar a cabo neste mandato as melloras necesarias para poder integrar este espazo e definir os usos aos que se vai dedicar, a día de hoxe, os nacionalistas queren saber se se chegou a encargar o estudo.
Hai só un ano a alcaldesa afirmaba que era necesario un aparcadoiro soterrado, e que se podía aproveitar este espazo para facer un pavillón cultural. O Bloque di que agora "xa ninguén sabe que o que vai pasar con estes terreos, porque o PP xa cambiou de opinión e incluso valora demoler a Casa do Mar, algo inasumible para o BNG".
Por iso, na vindeira sesión plenaria o BNG preguntará á alcaldesa neste sentido.